UMUTWE WA MBERE
AMATEKA YA
CEPAC-RWANDA MU NCAMAKE
1. Itorero CEPAC, Misiyoni yo mu Rwanda, ryatangijwe n’abantu ku giti
cyabo bifuje kugendera kumahame ya gipantekote nkuko babitojwe n’amatorero yabo
bavukiyemo ubwa kabiri, babyawe n’ijambo ry’Imana.
2.
Itorero CEPAC ryatangiye mu mwaka 2010 ukwezi kwa munani i
Kigali/Kimironko, Akarere ka Gasabo. Mu gitekerezo cyatangijwe na Doyen
Ntagora, cyakirwa na Doyen Makombe, gishyigikirwa n’abandi bakristo barimo
uwaje kuba Umuvugizi wa mbere wa CEPAC-Rwanda, Rev. Mukiza G. Jonathan ndetse
n’abandi bakristo benshi bahoze ari abayoboke b’iryo Torero muri Congo (RDC)
batahutse mu Rwanda.
3.
Icyo gitekerezo kimaze kwakirwa na benshi, cyaje kugaragara ko
kitashyirwa mu bikorwa hatabayeho ubufatanye n’amatorero yo muri Congo abo
bashatse gukomezanya n’Itorero rya CEPAC-Congo bakomotsemo.
4.
Nyuma y’ibiganiro n’abashumba benshi bagaragarijwe icyifuzo ko abari
abakristo babo bataye umuco wagipantekote bajya mu yindi myizerere, ni ibyo
byabaye impamvu ikomeye ko CEPAC-Congo yatangiza imirimo yayo y’Ivugabutumwa
bwiza bwa Yesu Kristo mu Rwanda, hagakosorwa imyizerere idahwitse abari
abayoboke bayo bagiyemo.
5.
Bityo ni bwo Umushumba w’Itorero rya Gihuha,
Bijombo/Uvira/Sud-Kivu/RDC, Rév. Pasteur Ruganintwari Enock yaje gufata
icyemezo cyo kubyara Itorero rya CEPAC rizaba rivutse mu Rwanda nka “Misiyoni
ya CEPAC-Gihuha/Bijombo” ashinzwe; dore ko CEPAC - Congo yiyemeje kwagura
ivugabutumwa bicishijwe muri za misiyoni mu isi yose.
6.
Itorero CEPAC ni rimwe mu
matorero y’ivugabutumwa yibumbiye mu matorero ya Gipentekote agendera cyane
cyane ku mpano z’Umwuka Wera. Hakaba
hagenderwa ku myizerere n’imyitwarire (Discipline) ryishyiriyeho; ibyo bikazagenderwaho no mu Rwanda.
7.
Itorero rya CEPAC-Rwanda rizakomeza kwita ku buzima bw’abakozi bakoreye
Imana bakiri muri Congo, bakaba bageze mu za bukuru batakigira kirengera kuko
amatorero bakoreye atagifite uburyo abatunga mu masaziro yabo, kuko nta
bwiteganyirize bw’izabukuru bigeze bazigamirwa aho bahoze muri Congo.
I.
ITORERO CEPAC-RWANDA N’IMIKORERE YARYO
Ingingo ya 1:
·
Izina CEPAC
risobanurwa ko ari “Ihuriro - Ishyirahamwe ry’Amatorero ya Gipentekote muri
Afrika yo Hagati”. Ni Itorero rikomoka mu gihugu cya Repubulika Iharanira
Demokarasi ya Congo (RDC). Ni Umuryango udaharanira inyungu; ugizwe n’abakristo
bibumbiye mu Matorero y’Uturere agizwe na za Paruwase nkuko bigaragara mu
mategeko yaryo.
·
Itorero
CEPAC ribarizwa mu Rwanda, icyicaro cyaryo kiri mu karere ka Gasabo, Umujyi wa
Kigali, B.P. 209 Kigali. Gishobora kwimurirwa ahandi hose mu Rwanda
byemejwe n’Inteko Rusange y’abanyamuryango.
Ingingo ya 2:
INTEGO Z’UMURYANGO
W’ITORERO CEPAC - RWANDA NI IZI ZIKURIKIRA
1.
Kwamamaza ubutumwa bwiza bwa Yesu Kristo no Kwigisha Ijambo ry’Imana
rishingiye kuri Bibiliya;
2.
Gukwirakwiza Ibyanditwe Byera n’ibindi bitabo byigisha iyobokamana rya
gikristo;
3.
Guteza imbere uburezi (éducation);
4.
Guteza imbere ubuzima (santé);
5.
Guteza imbere ubukungu
n’imibereho myiza y’abaturage (socioéconomique).
Ingingo ya
3 :
Amategeko Ngengamikorere y’umuryango CEPAC-Rwanda
ategurwa n’urwego rw’ubuyobozi bwawo, akemezwa n’Inteko Rusange yawo, imaze
gusaba ibitekerezo by’abakristo mu matorero y’uturere.
Ingingo
ya 4 :
Amategeko ashingiye kuri ibi bikurikira: Bibiliya
nk’Ijambo ry’Imana ryahumetswe n’Umwuka Wera, Itorero ryizera agakiza kabonerwa
muri Yesu Kristo, nkuko bikubiye mu Isezerano rya Kera n’Isezerano Rishya.
Ingingo
ya 5 :
Kuba umunyamuryango wa
CEPAC-Rwanda :
Umuntu aba umunyamuryango wa
CEPAC-Rwanda : iyo yizeye Yesu Kristo nk’Umwami n’Umukiza we, yihannye
ibyaha bye, akemera kubatizwa mu mazi menshi. Akemera imbuto n’impano z’Umwuka
zigaragaza by’ukuri umuntu wakijijwe. Kandi akaba yemera kugira paruwase ya
CEPAC Abarurirwamo ifatwa nk’iyamubyaje ubutumwa.
Ingingo
ya 6 :
Kureka kuba umunyamuryango iyo atagihuje
imyizerere n’imyifatire naryo, igihe yivanyemo kubwende bwe, cyangwa iyo
apfuye, iyo yaguye bya burundu, agacibwa mu Itorero; icyo gihe akaba adafite
uburenganzira ku mutungo uwariwo wose w’Itorero CEPAC – Rwanda.
II.
IMIRIMO
Y’INGENZI IKORWA MU ITORERO CEPAC - RWANDA.
1.
Imirimo y’umuhamagaro
itangirwa inshingano muri CEPAC-Rwanda ni iy’Abashumba, Abigisha, Abakuru b’
Itorero, Abamisiyoneri, Ababwirizabutumwa n’abadiyakoni.
2.
Imirimo y’umuhamagaro itagombera
gutangirwa inshingano n’iy’abaririmbyi, abanyamasengesho n’indi mirimo
nk’iy’ubumenyi bunyuranye: uburezi, ubuvuzi, n’indi irimo nk’iy’ikoranabuhanga.
3.
N’indi yakwemezwa n’Inteko
Rusange y’Itorero CEPAC-Rwanda.
Iyo abakora imirimo y’umuhamagaro itangirwa inshingano bahejwe bahamwe
n’ibyaha by’ubwicanyi, ubugambanyi, urugomo, ubugome, uburiganya, kwigomeka,
ubujura, kunywa ibiyobyabwenge, n’ibisindisha, inyigisho z’ibinyoma, kurema
ibice, guta umukumbi ku bwende, ivangura ry’amoko, jenoside n’ingenga
bitekerezo ya jenoside, n’ibindi nkibyo, ababihamijwe bemererwa kongera kuba abakristo aruko
babyihannye, ariko ntibasubizwa muri izo nshingano cyangwa iyo mirimo bahozemo
ibyo bikazakurikizwa no ku bindi byaha bisa bityo igihe bihama uwakoze kimwe
cyangwa kirenze kimwe.
4 .Nta mukozi
wemerewe gukomatanya imyanya y’ubuyobozi bw’inzego zisumbana mu muryango
w’amatorero CEPAC-Rwanda.
IMIYOBORERE Y’ITORERO
CEPAC-RWANDA
Inzego z’ubuyobozi bwa CEPAC-Rwanda zihererekanya
raporo murukurikirane, uhereye ku
ntoya ukageza ku nkuru mu buryo bukurikira:
1.
Inama y’ubuyobozi bw’umudugudu
2.
Inteko rusange y’umudugudu
3.
Inama y’Abakuru b’Itorero
n’Ababwirizabutumwa muri Paruwase
4.
Inteko Rusange ya Paruwase
5.
Inama y’iterambere y’itorero ry’Akarere
6.
Biro nyobozi y’Itorero ry’Akarere
7.
Inama y’iterambere ry’ururembo
8.
Biro nyobozi y’Ururembo
9.
Inteko rusange y’Ururembo
10. Inama y’Abashumba b’Indembo
11. Biro Nyobozi y’Umuryango w’Itorero
CEPAC-Rwanda
12. Inama y’ubuyobozi bw’umuryango
w’amatore CEPAC-Rwanda igizwe na (biro nyobozi, abagenzuzi, abamisiyoneri,
abashinzwe gukemura amakimbirane, abajyanama “les sages Urwego ngishwa nama
rw’itorero”, abashumba)
13. Inteko Rusange y’abanyamuryango
b’amatorero CEPAC-Rwanda iterana rimwe mu mwaka mu buryo busanzwe. Inteko
Rusange ishobora guterana mu nama yayo idasanzwe mu gihe bibaye ngombwa nkuko
amategeko abiteganya.
·
Inzego
z’ubuyobozi bw’itorero zihera ku Mudugudu, zigakomereza kuri Paruwase, ku
Akarere, ku Ururembo n’urwego rw’igihugu ari rwo rwa Biro Nyobozi, n’urwego
rw’ikirenga rwitwa Inteko rusange hari n’urwego rwa Misiyoni.
PARUWASE
Ingingo ya
7:
Paruwase ikorera mu mbago zishyirwaho
n’Ururembo zikemezwa n’inteko rusange.
Inzego
z’ubuyobozi bw’Itorero ku rwego rwa Paruwase, n’izi zikurikira;
1.
Inama y’abakozi ba paruwase (abapasitori, abakuru b’imidugudu Abatwaramucyo
b’indatwa bigwi abadiyakoni).
2.
Inama y’abagize ibyiciro
bitandukanye muri paruwase (abaririmbyi, abagore, abagabo, abahagarariye
imishinga ya Paruwase n’abagize izindi service z’Itorero)
3.
Inama nkuru y’abakristo bose ba
Paruwase (Inteko Rusange).
Ingingo ya 8 :
Paruwase
n’urwego shingiro rw’Itorero ruhabwa imbibe n’ururembo rukemezwa n’inteko
rusange. ruhuriza hamwe abakristo, hagamijwe kubumbatira imyizerere ya
CEPAC-RWANDA ishingiye kuri Bibiliya, urwo rwego ruyoborwa n’inama ya
paruwase n’Umushumba wa paruwase unarutangira raporo.
Ingingo ya 9 :
Paruwase ishyirwaho n’Inama Nkuru
y’ururembo
(Inteko Rusange). Ikemezwa n’inteko
rusange ya CEPAC.
Ingingo ya
10 :
Inteko
rusange y’abakristo igizwe n’abakristo bose bakuze b’iyo Paruwase. Iterana rimwe mu mezi atatu,
itumizwa kandi ikayoborwa n’umushumba, niyo isuzuma imikorere y’abadiyakoni
n’abavugabutumwa n’abahagarariye inzego muri Paruwase.
Ingingo ya 11 :
Inama ya Komite
Nyobozi/Nshingwabikorwa (Comité Exécutif) ya Paruwase
1.
Isuzuma raporo n’ingengo y’imari ya paruwase.
2.
Ifite inshingano yo gucunga neza
umutungo wa paroisse.
3.
Ifite inshingano yo gutanga umurongo ngenderwaho wa za
serivise no kuziyobora kugendera kuri gahunda yahawe ninama nkuru ya
paruwase izikosora yifashishije
amategeko n’ijambo ry’imana.
4.
Yita kumurimo wo gukwirakwiza
ubutumwa mu karere ikoreramo.
5.
Niyo ibera maso
imyigishirize y’abapasitori, abavugabutumwa ; guhagarara neza mu
myizerere y’Itorero
6.
Ikurikiza ibyemejwe n’inama zo hejuru mu rwego rw’ururembo n’urw’igihugu.
7.
Itora biro (bureau)
Inama ya
komite Ngenzuzi/Nshingwabikorwa ya paruwase.
1.
Ishyirwaho na komite nyobozi y’ururembo ikemezwa
n’inteko rusange yarwo igenzura ko ingengo y’imari ya paruwase yubahirizwa uko
yemejwe. .
2.
Igenzura uhereye ku midugudu yose ya paruwase
ikoreramo iyubahirizwa rya za Pourcentage zemejwe uko zitangwa. Ikanamenya uko
umutungo ucunzwe muri iyo paruwase.
3.
Igenzura ikanatanga inama y’imicungire myiza
y’umutungo muri za Serivise,kubahiriza inshingano n’imirongo yashyizweho
n’inzego z’ubuyobozi bukuriye ayo ma Serivise akorera muri paruwase.
4.
Igenzura ko amafishi yashyizweho byumvikanyweho
akoreshwa neza nkuko byagenwe.
5.
Igenzura ko inyisho zitangwa muri CEPAC-RWANDA
zitanyuranije n’imyizerere y’itorero.
6.
Abayigize bagomba kuba bahugukiwe n’amategekoshingiro,na
ngengamikorere n’imyizerere shingiro ya
CEPAC, kugirango bamenye ibyo bagenzura nibyo batangaho inama.
7.
Haseguriwe ingingo ya 15 yiri tegeko Ngengamikorere
inama ya komite Ngenzuzi/Nshingwabikorwa ya paruwase igomba kuba yagenzuye buri
mudugudu ikanawutangira raporo muri nyobozi ya Paruwase,no muri nyobozi ya
CEPAC..
Ingingo ya 12 :
Inama ya
Komite Nshingwabikorwa igizwe
n’abahagarariye amaserivise yose agize Itorero (Paruwase). Naho komite Ngenzuzi/nshingwabikorwa ishyirwaho
n’inteko rusange y’ururembo akaba ari nayo imenya imikorere yayo. Iyo imaze
gushyirwaho, mu nama yayo ya mbere
yitoramo Biro. Ibisabwe n’inama y’abashumba b’indembo ishobora kujya
gukora ubugenzuzi mu yindi Paruwase yo mu rundi rurembo rwa CEPAC-RWANDA
itatorewemo. Nta manda igira ariko urwego rwayishyizeho rushobora huyivugurura
igihe rubona ko, ari ngombwa.
Igingo ya 13 :
Iyo
nama iterana rimwe mu mezi atatu nta
manda igira. Itorero ni ryo rigena igikorwa izakora n’igihe kizamara.
Ingingo ya 14 :
Inama
y’abakuru b’itorero :
Ni inama
igizwe n’abantu b’inararibonye mu itorero.
1. Ishinzwe gutunganya ibibazo byose
birebana n’ubugingo n’imibereho y’abakiristo.
2. Iterana igihe
cyose bibaye ngombwa.
3. Iterana rimwe
mu kwezi kandi ikayoborwa n’Umushumba.
Ingingo ya 15 :
Iyo
inama igizwe na Pasitori,
abamufasha b’aho iri, abavugabutumwa, abahagarariye imidugudu bari muri iyo Paruwase.
·
Iyo inama iyoborwa na Pasitori
ushinzwe Paruwase.
·
Ibyemezo byayo n’ibanga
ry’abayigize keretse iyo bibaye ngombwa gushyikirizwa izindi nzego.
Ingingo ya 16:
Umushumba n’abafasha be
muri Paruwase
Umuyobozi wa
Paruwase, agomba:
·
Kuba
inyangamugayo, yitwara neza, yubaha inzego n’ubuyobozi, akijijwe, afite
ubuhamya bwiza, ukunda gusenga, kuba azi amahame n’amabwiriza y’Itorero.
·
Gukorerwa
ifishi y’ubugenzuzi, kugira ngo hitabweho
umurimo akora). n’igihembo yagenerwa nk’ishimwe, no gufashwa mubibazo
by’izabukuru, nibindi.
·
Iyo
atarobanuriwe muri CEPAC-Rwanda, akaba avuye mu rindi torero, higwa niba iryo
torero rihuje imyizerere n’amahame y’Itorero rya CEPAC-Rwanda, kandi akaza
yitwaje urwandiko rw’ubuhamya (recommandation), ndetse n’ibyari bisanzwe
bimuranga mukazi nk’ikarita y’akazi, icyemezo cy’uko yahembwaga, n’ikigaragaza
umurimo yakoraga aho avuye. Akabona kwakirwa, no guhabwa icyo akora binyuze mu
nama ya Paruwase, bikanemezwa n’ubuyobozi bukuru bwa CEPAC-Rwanda
Ingingo ya 17:
Ibihembo bitangwa
nk’ishimwe rigenerwa uwabaye indashyikirwa muri CEPAC.
Umuyobozi ugaragaza gukora
neza no kuzuza inshingano ze, umuvugizi wa CEPAC, cyangwa undi ubiherewe
uburenganzira n’inteko rusange, amushyikiriza icyemezo cy’ishimwe cyimukwiriye
(CERTIFICAT DE MERITE),gishyirwaho na Nyobozi ya CEPAC. Ugihabwa,
agishyikirizwa mu ruhame mu biterane bihuza CEPAC yose ku rwego rw’igihugu. Iyo
Cértificat, ishobora guherekezwa n’indi mpano nk’ikimenyetso cy’ishimwe
n’urwibutso byagennwe na komite nyobozi ya CEPAC, bikemezwa n’inteko rusange yayo.
Kandi iyo habonetse amahirwe, Urugero: Kwiga,kuzamuka mu ntera, n’ibindi;
abahawe iryo shimwe nibo baherwaho mu guhabwa ayo mahirwe.
Ibi ntibigarukira
kubayobozi gusa,ahubwo bireba n’abakristo basanzwe muri rusange, ndetse na
Missionnaire witaye ku gushyitsa neza inshingano ze azashimirwa.
Igikorwa cyo gushimira
uwabaye indashyikirwa ntikizagarukira ku mashimwe azahabwa n’inteko rusange ya
CEPAC, AHUBWO n’abakristo bazakangurirwa kugenera impano z’inshimwe, umuyobozi
wabo witangiye umurimo mu budahemuka.
Ingingo ya 18 :
Inshingano
z’Umushumba wa Paruwase:
1.
Paruwase iyoborwa n’umushumba wabiherewe inshingano n’inama nkuru
y’Itorero kandi warobanuwe, akemezwa n’umuvugizi ari na we umumurikira Paruwase
akimara kumuha izo nshingano za gishumba.
2.
Ni we ubazwa ibya Paruwase mu nzego zo hejuru z’Itorero, ni we ushinzwe
imikoranire n’inzego za leta.(BA
PARUWASIYARE NI BIYIBUTSE GUTANGIRA RAPORO URWEGO RWABO)
3.
Ni we muvugizi mu Itorero no muri Leta yaho Paruwase ikorera.
4.
Niwe utoranya akanemezanya n’inzego zo hasi mw’ itorero abakozi
bazamuka mu ntera, iyo raporo akayishyikiriza ibiro bikuru kugira ngo hafatwe
icyemezo cya nyuma, cyane cyane ku bakuru b’itorero, abapasitori kuko abo
bashyirwaho n’umushumba mukuru kuko bakorera umuryango CEPAC-Rwanda. Ni nawe
utanga icyerekezo ku bakozi bitwara nabi, akanabafatira ibyemezo bibakwiye
nyuma yo kubiganiraho n’umuvugizi.
5.
Atanga raporo y’imirimo ye ku biro bikuru bya CEPAC-Rwanda, no mu nama nkuru ya Paruwase ;
6.
Abera maso imigendekere myiza
y’imirimo yose ikorerwa muri Paruwase ;
7.
Kugenzura umutungo rusange wa
Paruwase ;
8.
Kwigisha abifuza
gushyingirwa ;
9.
Gusezeranya/gushyingira;
10. Kubatiza ;
11. Gutanga
ifunguro ryera ;
Ingingo ya 19 :
Uko ashyirwaho n’uko akurwaho :
Umushumba wa
Paruwase ashyirwaho kuyobora Paruwase nta manda ahawe, agahindurwa, mu
gihe mu Itorero rye agaragaje imyitwarire idahwitse, amaze kugirwa inama kenshi
ntahindure, cyangwa iyo abakristo bagaragaje ko adashoboye cyangwa yagize
itorero akarima ke, cyangwa agakurwaho
n’inama nkuru y’Itorero mugihe akoze ibyaha byokwiba cyangwa kunyereza
umutungo, cyangwa gusambana, nibindi byaha bibi bitakorwa n’umupasitori nko
kwica, gufata abana n’abagore ku ngufu, kwifatanya n’abatizera mu mirimo mibi,
kuremamo abakristo ibice, gutwaza igitugu, kuba yaragize uruhari muri jenoside
yakorewe abatutsi,kuba agaragarwaho n’ingengabitekerezo ya jenoside bimuhama
kurema amacakubiri ashingiye ku moko, kwangisha abakristo itorero na leta.
Ingingo ya 20 :
Abafasha
b’Umushumba wa Paruwase :
abapasitoro bari muri Paruwase bashinzwe
ivugabutumwa muri « selire (cellule) », Ni intumwa ya Pasitori wa
Paruwase, ashinzwe gutangiza umurimo
w’Itorero aho rimutumye hose.
Ingingo ya 21 :
Pasteur - évangéliste ku mudugudu
cyangwa kuri Paruwase, ashinzwe ibi bikurikira :
1.
Gukurikirana ivugabutumwa ryo
hanze ;
2.
Gukurikirana abihannye ;
3.
Ashinzwe kubahiriza gahunda y’Itorero no kuyobora amateraniro;
4.
Agomba kwubaha umushumba we ;
5.
Agomba kuba yujuje inshingano
ziboneka muri 1 Tim.3:1, Tito 1:5-8;
6.
Iyo abonetsweho umugayo runaka, inama ya Paruwase ikorera mu Akarere
kose iraterana ikiga icyo kibazo nyuma ikagishyikiriza inama y’Ururembo niyo ifata
ibyemezo nayo igahita imenyesha inama Nkuru y’itorero.
Icyumba
cyose kitirirwa itorero kigomba gutangizwa n’iryo torero kandi akaba ari naryo rishyiraho umuyobozi w’icyumba (Cellule).
Buri cyumba
cyose ntabwo cyemerewe gutangisha ituro
n’icyacumi ngo kibikoreshe nta ruhushya rwa paruwase; ahubwo byoherezwa
muri paruwase, ni yo igena imikoreshereze y’ibyatanzwe n’abanyetorero.
URUREMBO
Ingingo ya 22 :
Ururembo
n’ihuriro rya za Paruwase ziri mu Karere cyangwa mu Turere twinshi. Ururembo
rugizwe byibura na za Paruwase uhereye kuri eshatu ukazamura, keretse iyo ari
Itorero rimwe rya CEPAC-Rwanda rukumbi mu Akarere; icyo gihe ribarwa
nk’Ururembo rurerwa n’ubuyobozi bukuru bw’ ihuriro CEPAC-Rwanda kugeza igihe
rizagira imidugudu hirya no hino muri urwo Rurembo rurerwa. Ariko rufite uburenganzira bwo guhagararira
CEPAC-Rwanda mugihe cyose inzego za leta cyangwa abafatanyabikorwa bifuje
abahagarariye amadini, ntabyemezo rwemerewe gufata rutabajije icyicaro gikuru.
Ingingo ya 23 :
Ururembo
n’ingabano zarwo zishyirwaho n’Inteko Rusange y’Itorero (Assemblée Générale).
Ingingo ya 24 :
Inama y’Ururembo igizwe
n’abapasitori, abavugabutumwa bagize amaparuwase ndetse n’abashinzwe imirimo
rusange mu Rurembo (uburezi, ubuvuzi, amajyambere, n’abandi).
Ingingo ya 25:
Imirimo y’Inteko Rusange y’Ururembo:
1.
Gutora biro yayo. (AHO IZO BUREAU ZITARASHYIRWAHO BABYIHUTISHE BIRANGIRANE NA 2017).
2.
Gusuzuma raporo n’ingengo y’imari (IBYO NABYO NIBITANGIRANE
N’UMWAKA WA2018).
3.
Gusuzuma
imirimo y’umuyobozi w’Ururembo.(IMIRIMO YE NTIGARUKIRA KU IVUGABUTUMWA GUSA)
4.
Gushyira mu bikorwa
ibyemezo by’inama nkuru zose ziyikuriye.
Ingingo ya 26 :
Iterana gatatu mu mwaka, ihamagazwa
n’uyiyoboye (Umushumba w’Ururembo).
Ingingo ya 27 :
Inama
y’Ururembo ikoresha ububasha bwayo
ihabwa n’inama nkuru y’Itorero, gufatira ibyemezo za paruwase, ndetse no
gukemura ibibazo biri muri za paruwase itifashishije inama nkuru keretse iyo biyibangamiye cyangwa
isanga ari ngombwa ko ubuyobozi bukuru bubigiramo uruhari. Nta paruwase yemerewe gutanga ibyifuzo byayo ku rwego rwo hejuru
kitanyujijwe mu rurembo.
Ingingo
ya 28 :
UMUSHUMBA W’URUREMBO
Umushumba w’Ururembo :
1. Atorwa mu ba pasitori b’ihuriro rya CEPAC-Rwanda,
ashobora guturuka aho ari ho hose mu maparuwase ya CEPAC mu Rwanda ;
2.
Ashyirwaho, agahindurwa cyangwa agakurwaho n’inama Nkuru y’Itorero;
3. Asohoza ibyemejwe n’inama
y’Ururembo anatanga raporo y’imirimo ye
muri iyo nama, ndetse no mu nama nkuru
y’itorero ;
Ingingo ya 29 :
Igihe
umuyobozi w’Ururembo amara ku mirimo ye ni imyaka 5 ishobora kuvugururwa. Iyo
habonetse impanvu atararangiza mandat ye, Inama Nkuru itora umusimbura
kurangiza ya mandat.
Ingingo ya 30 :
Inama
y’Ubuyobozi (Conseil d’Administration)
y’Ururembo igizwe n’uyobora
ururembo n’abapasitori gusa bashinzwe amaparuwase, n’intumwa eshatu eshatu
zihagarariye abagore, urubyiruko n’iterambere, bakaba ari inyangamugayo batowe
n’inama nkuru y’ururembo.
UMUTWE WA MBERE
INTEKO RUSANGE
Ingingo ya 31 :
Inteko Rusange
y’Itorero ni urwego rw’ikirenga
rw’Itorero CEPAC mu Rwanda.
UMUYOBOZI
MUKURU USHINZWE IMARI N’UBUKUNGU
|
UMUYOBOZI MUKURU USHINZWE ITERAMBERE
|
UMUSHUMBA
USHINZWE IMIBEREHO MYIZA Y’UMURYANGO
|
UMUSHUMBA USHINZWE IVUGABUTUMWA KURWEGO RW’IGIHUGU
|
ISHAMI RISHINZWE URUBYIRUKO
|
URWEGO RUSHINZWE IMISHINGA
|
ITORERO KURWEGO RW’URUREMBO
|
GUHANGA-UDUSHYA
(Créativités)
|
ISHAMI RISHINZWE ABAGABO
|
|
PARUWASE
|
Ingingo ya 32:
Inteko Rusange ya CEPAC-Rwanda
igizwe n’aba bakurikira :
Biro ya CEPAC-Rwanda, ariyo:
Umuvugizi, umuvugizi w’ungirije,
Umunyamabanga Mukuru ; Abajyanama, Umubitsi ; Abashinzwe Amashami
y’Imirimo (départements) :( ivugabutumwa, uburezi, ubuvuzi, umuryango,
Abayobozi b’Indembo).
Ingingo ya 33:
Abagize
Inama Nkuru y’itorero CEPAC-Rwanda ni intumwa za paruwase, intumwa z’indembo
n’uturere, abahagarariye ibyiciro by’inzego z’abantu
(abagore,abagabo,urubyiruko,abapfakaye bibana n’intumwa zihagarariye
abakristo). abagize za départements, abagize biro exécutif, abagize
inama nkemura mpaka, n’izindi nama nkuru
z’ubuyobozi. Bose bafite uburenganzira bwo gutora, no gutorwa ku myanya yose mu
gihe bujuje ibisabwa.
Ingingo ya 34:
Inshingano z’Inteko Rusange ya
CEPAC-Rwanda:
1.
Yemeza itegeko nshingiro, amategeko ngengamikorere, amabwiriza, gahunda
ya za départements , n’andi mategeko agenga Itorero;
2.
Yemeza ingengo y’imari rusange y’Itorero;
3.
Isuzuma raporo z’imirimo rusange y’Itorero ikayiha n’umurongo igomba
gukurikiza.
4.
Itora abagize inama nkuru, abayobozi b’indembo, abagize za departments,
abavugizi b’ihuriro, na biro yose, ikaba ari nayo iyikuraho icyizere
n’inshingano; itora abagize akanama nkemurampaka ikagena n’inshingano zako.
5.
Isuzuma ikanemeza gahunda y’ibikorwa by’ingenzi
by’icyerekezo cy’itorero (Vision).
6.
Isuzuma ikanemeza raporo z’icungamari rya buri mwaka.
7.
Isuzuma ikanemeza ingengo y’imari, n’iteganyabikorwa
ry’igihe kigufi n’iry’igihe kirekire
8.
Isesengura za raporo zose yagejejweho ikemeza ko
inshingano yatanze zagezweho, izitaragezweho ikamenya impamvu zumvikana zatumye
zitagerwaho igakosora.
Ingingo ya 35:
Inteko
Rusange iterana rimwe mu mwaka kandi igahamagazwa n’Umuvugizi w’Itorero
akayimenyesha ukwezi kumwe mbere y’uko iba, ishobora guterana bidasanzwe bitewe
n’impamvu zihutirwa zifitiye umuryango akamaro, cyangwa hari ikibazo cyangwa se
icyemezo cyihutirwa kitategereza inama iteganyijwe buri mwaka.
II.
UMUTWE WA KABIRI
ABAYOBOZI
B’ITORERO RYA CEPAC-RWANDA
Ingingo ya 37:
UMUVUGIZI W’ITORERO.
Atorerwa
manda y’imyaka itanu (5).Nyuma y’imyaka itanu aba ashobora kongera kwiyamamaza inshuro
zose inteko itora ikimufitiye ikizere, Akongera gutorwa uwo mwanya.
Inshingano z’umuvugizi wa
CEPAC-RWANDA:
1.
Ni we muhuzabikorwa by’inzego
zose za CEPAC
2.
Niwe muvugizi mukuru
w’itorero akaba n’umushumba mukuru waryo.
3.
Niwe uhagarariye inyungu
za CEPAC,haba izo mugihugu n’izava mu mahanga.
4.
Ashyira umukono ku mpapuro
zituma abagenzuzi b’imari ku rwego rw’igihugu akagenera kopi yiyo baruwa
paruwase bagiye kugenzura.
5.
Bitabangamiye imyizerere
ya CEPAC Umuvugizi, Ajya mu nama zose atari izo itorero gusa,muri Leta, za
Forum mu gihugu no mu mahanga .
6.
Afite ububasha bwo
gukuraho, cyangwa guhagarika ku mirimo umwe mubashumba,
Yaba uwo ururembo, Paruwase, cyangwa ku mudugudu,
igihe yakoze ibyaha byatesha umurimo ashinzwe agaciro, Akabona kuzatumiza inama
nkuru y’itorero akayimenyesha icyemezo yafashe ku nyungu z’umurimo w’Imana.
Afata ibyemezo byose
by’itorero aho bibaye ngombwa ko hadategerezwa inama nkuru, hagamijwe kurengera
ubusugire n’ubwere bw’itorero.
7.
Afite ububasha busesuye ku
kibazo cyose kirebana n’Itorero CEPAC mu Rwanda no mu mahanga no ku bintu byose
byerekeranye cyangwa bifitanye isano na CEPAC-Rwanda, nk’imanza, gusinya
amasezerano y’ubufatanye, kwirukana, kwakira, kwemeza icyo ari cyo cyose
cyemejwe n’izindi nzego.
8.
Ashinzwe imibereho
n’imigendekere myiza ya CEPAC yubahirisha imyizerere ya CEPAC amategeko
n’amabwiriza n’ibyemezo byose by’inteko rusange.
9.
Ashinzwe gusura amatorero
akayamenyesha n’ibyemezo by’inzego nkuru za CEPAC nibyo inzego Leta ihuriraho n’amadini
akaboneraho no gutanga umurongo wo kugenderwaho.
10. Ashyiraho akanavanaho arwego rushinzwe imidari
n’amashimwe ku babaye indashyikirwa ku rwego rw’igihugu, akaba ari nawe utanga
ibyo bihembo.
11. Atanga raporo ye mu nteko rusange,kandi nkuko
biteganywa n’itegeko № 06/2012 ryo kuwa 17/02/2012 rigena imitunganyirize
n’imikorere by’imiryango ishiniye ku idini, rimwe mu mwaka umuvugizi wa CEPAC,atanga
raporo ye muri RGB. Ashinzwe kumenyesha urwo rwego impinduka zabaye muri CEPAC,Abifashijwemo
n’Umunyamabanga mukuru.
12. Gushyiraho ikerekezo cya CEPAC (Vision), ingingo
zikigize imwe imwe, ikerekezo kigufi n’ikizamara igihe kirekire, guhora
amurikira inteko rusange ishyirwa mubikorwa ry’ibyo byerekezo, no kugaragaza
niba hari inzitizi zabaye ku ishyirwa mu bikorwa ryabyo. Buri kerekezo cyigomba
kuba gifite intego nkuru kizibandaho, ari nazo zizagaragaza ko cyashyizwe mu
bikorwa, cyangwa bitashobotse
13. Buri mwaka umuvugizi azatangariza inteko rusange
ingengo y’imari Biro nyobozi izifashisha ngo ishyitse inshingano zayo. Inteko
rusange niyo iyemeza bwa nyuma.
14. Umuvugizi wa CEPAC AFATAnije na komite nyobozi ya
CEPAC, bazashyiraho amahame yo kubaka imiyoborere izira amakemwa mu itorero
yemezwe n’iteko rusange, nyuma komite nyobozi igenzure ishyirwa mubikorwa
ryayo.
15. Inteko rusange ishobora kongerera izindi nsingano
umuvugizi.
Ingingo ya 38 :
UMUVUGIZI WUNGIRIJE: INSHINGANO ZE
Umuvugizi wungirije wa
CEPAC-RWANDA niwe mushumba mukuru wungirije.
Umuvugizi wungirije
ashinzwe ibi bikurikira:
1.
Niwe ufasha Umuvugizi
Mukuru, afatanya nawe gufata ibyemezo byihutirwa; ni we umusimbura, ni we
ukurikirana imari, n’imishinga,. ni we uhagararira Itorero muri Leta iyo
Umuvugizi Mukuru adahari.
2.
Kuba umwiringirwa muri
byose Mubyo ashinzwe afite inshingano
akanazifatira ibyemezo abigishijemo inama Umuvugizi.
3.
Kuba yujuje ibyanditswe mu
nzandiko za gishumba: Timoteyo na Tito.
4.
Gukurikiranira hafi
ubuzima bw’umwuka mu matorero no gushyira mu bikorwa imyanzuro irebana nabwo.
5.
Gukumira no gukemura
kugihe impaka ,n’amakimbirane byavuka, haba mu bunyamabanga bukuru, mu ndembo,
mu matorero y’uturere, muri za Paruwase,
6.
Gutega amatwi ibyifuzo n’inama
z’abashumba b’indembo, abo uturere, n’abo amaparuwase mu bwubahane hagamijwe
gukorera hamwe nka Ekipe.
7.
Gushyiraho amafishi
y’igenzura kuri buri munyetorero wese wa CEPAC-RWANDA. no gushyiraho ingamba
zituma ntawe ubirenganiramo ngo ahabwe ibyo atarakwiriye kuba ahabwa.
8.
Gushyiraho umurongo
ngenderwaho wo gutegura abanyamuhamagaro binjizwa mu mirimo y’ivugabutumwa.
9.
Gukurikiranira bugufi niba
inyigisho zitangwa mu itorero zikwiriye.
10. Kubaha no kumvira, inteko rusange, umuvugizi,na biro
nyobozi bya CEPAC-RWANDA.
11. Kwemera gushyira mubikorwa imirimo yose y’inyongera
asabwa gushyitsa n’inzego za CEPAC.
12. Gutanga raporo ye kugihe mu nzego zimushinzwe.
Ingingo ya 39 :
UMUNYAMABANGA MUKURU N’INSHINGANO
ZE:
Umunyamabanga Mukuru
ashinzwe ibi bikurikira:
1.
N’umuhuzabikorwa w’imirimo
y’ubuyobozi bwa CEPAC, ahuza ibikorwa mu biro bikuru bya CEPAC, byo mu ndebo za
CEPAC,mu matorero y’uturere ya CEPAC,za Paruwase, na za proje zose zi shamikiye
kuri CEPAC
2.
3.
Ategura akanatanga
umurongo uboneye kubijyanye n’imiyoborere myiza muri CEPAC.
4.
Niwe mucura-bwenge mukuru
uhora yibutsa ibyemezo inama zinyuranye zafasheho ibyemezo kugirango
bitibagirana.
5.
Niwe mwanditsi w’inama
zose atumirwamo kandi aba yagize uruhare ngo zitumizwe, ibyo bikamuha inshingano
yo kuzakora raporo kuri zo kandi ku gihe.
6. Niwe ushinzwe gukusanya raporo zose , imishinga yose, imirimo yose n’ama “departments” yose y’Itorero. Afashwa n’abayobozi ba
madeparitema, akabayobora akabahagarika ku kazi by’agateganyo iyo asanze ko badashyitsa inshingano zabo
akabona kubimenyesha umuvugizi ngo hafatwe icyemezo ndakuka, ndetse no kwemeza
andi madeparitema agasaba umuvugizi kubishyiraho umukono cyangwa kubyemeza,
cyangwa se kubihakana amaze kwerekwa akamaro.
7. Abera maso imirimo yo mu biro by’Umuvugizi w’Itorero
n’abafasha be no ku buzuza.
Ingingo ya 40:
UMUYOBOZI
MUKURU USHINZWE IMARI N’UBUKUNGU N’INSHINGANO ZE:
Ashinzwe
imirimo ikurikira:
1.
Ni we ushinzwe imirimo yose ijyanye n’Imari n’Ubukungu.
2.
Ategura ingengo y’Imari, Igenabikorwa ry’igihe kigufi
n’iry’igihe kirekire.
3.
Agenzura iby’imari n’ubukungu ku rwego rw’Igihugu.
4.
Akurikirana imanza n’ibyemezo bijyanye n’imari n’ubukungu.
5.
Ashakisha inzira zose zo kuzamura imari n’ubukungu mu Itorero
CEPAC-Rwanda;
6.
Acunga umutungo wimukanwa
n’utimukanwa; akanabika ibyemezo byose
by’umwimerere (original) kuva muri Paruwase, mu Rurembo no mu rwego rw’igihugu.
7.
Ashyiraho politike y’imicungire myiza y’imari n’umutungo.
8.
Ashyiraho gahunda y’ishami
ry’imirimo y’Iterambere
9.
Ashyira umukono kuri konti za CEPAC nk’umusinyateri uherutse abandi
basinye.
10. Ashinzwe amazu, amasambu, ibigo n’ibigendesho n’ibindi
bikorwa byose bibyara Umusaruro z’Itorero CEPAC-Rwanda. Ni umujyanama wa
bugufi w’Umuvugizi mu by’imari n’ubukungu.
11. Niwe ushinzwe gutegura
umushinga w’ingengo y’imari n’igenamigambi rya CEPAC akanabisobanurira inama
y’ubuyobozi n’inteko rusange ngo wemezwe.
Ingingo ya 41:
Umuvugizi Mukuru, uwungirije
Umuvugizi, Umunyamabanga Mukuru, Umuyobozi Mukuru ushinzwe Imari n’Ubukungu
hamwe n’Umujyanama muri Biro Nyobozi ya CEPAC-Rwanda batorerwa manda y’imyaka
itanu (5), bashobora kongera gutorerwa izindi manda buri wese muri aba bayobozi ashobora
gutorerwa kujya murwego rwisumbuye urwo yari asanganywe agahindura umwanya yari asanganywe muri manda
zabanje, uretse umuvugizi gusa bitewe n’urwego yagezeho.
NB Buri wese muri aba bayobozi, agomba kuba
ari umupasitoro keretse abatowe hashingiwe, ko ari abatekenisiye. Ariko nabo
babaye badakumirwa n’amategeko,si ihame ko iteka batorwa mu abalayiki.
KOMISERI USHINZWE UBUKANGURAMBAGA
N’UBUKUNGU.
Ishingano
ze:
- Atanga inama zituma habaho
imicungire myiza y’umutungo wa CEPAC.
- Imicungire myiza y’abakozi
- Atanga inama ku bikorwa byiza
byateza CEPAC imbere.
- Atanga inama ku kunoza
igenamigambi rya CEPAC rya buri mwaka.
- Atanga inama ku ngamba
zashingirwaho hakorwa ubukangurambaga uhereye ku mudugudu kugeza ku
rurembo ndetse no mu nzego z’ubuyobozi ubwazo hakaba hakorwa
ubukangurambaga
KOMISERI
USHINZWE
IMIBANIRE N’ITUMANAHO.
Inshingano
ze.
Umujyanama ushinzwe imibanire
n’itumanaho, agomba kuba ari impuguke muri urwo rwego Atari ukujya kurangiza
umuhango gusa.
1.
Kuba ari umuntu uzi kubanira abandi neza, wanashobora kwihanganira
abanyangeso mbi
2.
Kuba agaragaza mu mibereho ye ikintu cyo kwigomwa no kwitangira abandi.
3.
Kuba Atari ikigwari mu misusire, ataryamira ukuri, kandi Atari
interenganya y’umunyamagambo.
4.
Kuba asobanukiwe iby’isanamitima kandi afite ubushobozi bwo kubyigisha
abandi.
5.
Kuba afite ubumenyi mu ikorana buhanga, n’isakaza bumenyi.
6.
Guha agaciro ijambo ry’Imana mu itorero ryayo.
7.
Guha agaciro ubu Pentecote
8.
Guharanira imibereho ya Gipentecote yejejwe no kuyisakaza mu bandi.
9.
Guha agaciro ubwami bwa Yesu ku isi yose.
10. Guha agaciro ibyiciro byose
by’abantu mu itorero. Abagore,abagabo, urubyiruko, abafite ubumuga, abize,
abatarize, abafite akazi, abatunzi n’abakene.
11. Kumenya no guha agaciro ubutabera mu
itorero.
12. Kwimakaza umuco w’impuhwe,ukuri,
n’ubumuntu mu itorero.
13. Kuba yemera kuba umujyanama wa
komite nyobozi, n’uwo umuvugizi.
UMUTWE WA
GATATU
III.
KOMITE NKEMURAMPAKA :
Ingingo ya 42:
1. Itegeko rishya rya Republika y’u Rwanda rigenga
imiryango ishingiye ku idini, rimaze gusuzuma imikorere y’amadini ukuntu
abanyamuryango bagirana ibibazo mu itorero bishyiriyeho bakaniyemereza
imyizere yaryo maze bagapfa byinshi, mu miyoborere, imicungire y’abantu n’ibintu,
yashyizeho urwego nkemurampaka mu itorero ubwaryo.
2. Itorero ni ryo rigena bamwe mu
banyamuryango bashingwa urwo rwego, bakaba bashinzwe gukemura impaka
bifashishije amategeko, inzego itorero ryishyiriyeho, n’inshingano buri rwego
rwahawe mu nama rusange, rugizwe
n’abantu 7 abagore 30% ni ukuvuga 2, batangombye kubura ariko barenzeho
ntakibazo, abantu b’inzobere mu mategeko y’igihugu, banasobanukiwe n’amategeko
y’umuryango cyangwa itorero CEPAC-Rwanda.
3. Ntabwo urwo rwego rusimbura ububasha
bw’umuvugizi, n’ubw’izindi nzego, ahubwo
ruramwunganira. Ni abantu b’inyangamugayo badakemangwaho imyitwarire mibi,
ndetse no gukundimpaka, ni abanyakuri, bafite ubumenyi, bakijijwe, bafitiwe
icyizere, basanzwe batanga inama nziza, bakorana ubushishozi, batagendera ku
marangamutima, cyangwa icyene wabo ; abantu batarya ruswa, batagira
amakimbirane.
4. Iyo hari uwo muri bo ugaragaweho
n’imyitwarire mibi yatuma atuzuza neza inshingano ze, akurwa mu bandi cyangwa
agahezwa mu gihe cyo kwiga ikibazo runaka, yagaragarwaho n’ubugambanyi no
kubera ; ibyo bikaba impamvu yatuma asimburwa.
5. Urwo rwego nta biro bihoraho,
rugira, ariko ruterana 3 mu mwaka ; rwakira ibibazo, rukabisesengura
rukaganira nabo bireba mbere yo gufata icyemezo cyangwa gukora raporo ku
muvugizi, ni nawe mujyanama warwo mukuru.
6. Ruhabwa ubushobozi n’Umuvugizi
kugirango rukore neza, arwifashisha kenshi mu gukurikirana ubuzima bw’Itorero, no
gukorana n’izindi nzego, mugukumira ibibazo, kubikemura, no kumufasha ngo
amenye icyo afataho icyemezo ndakuka. Si rwo rufata icyemezo cya nyuma ; rurigenga
mu mikorere atari mu gufata ibyemezo kuko icyemezo gifatwa cyaganiriweho
n’inzego zose zifata ibyemezo, rufasha nk’abajyanama gukemura impaka no
kwifashisha amategeko n’amabwiriza.
UMUTWE WA KANE
IV.
MISIYONI :
Ingingo ya 43 :
1. Misiyoni
(Mission) n’inyito y’Ivugabutumwa, ni
icyerekezo CEPAC-Congo-Rwanda yihaye cyo gukwirakwiza ubutumwa bwiza binyujijwe
mu muyoboro wayo, kandi ikaba
yariyemeje kujya mwisi hose, mbere byari Afrika yo Hagati (Afrique Centrale),
ubu byaragutse igeze Amerika, Ubulayi, Afrika yose ntaho CEPAC ihejwe.
2. Itorero rya
CEPAC, Paruwasi ya Gihuha ho muri Disitirike y’ivugabutumwa ya CEPAC Bijombo,
mu Ntara ya Kivu y’amajyepfo (Sud-Kivu),
ho muri Repubulika iharanira Demokrasi ya Congo, ni yo yatangije
Misiyoni yo mu Rwanda.
3. Intumwa
ihagarariye misiyoni bwambere ni Misiyoneri Rutungirwa Ezekiel. Afite
inshingano yo kubwiriza ubutumwa hirya no hino, gufasha inzego za CEPAC-Rwanda
mu kwiyubaka muburyo bwa Gipasitori zigendera ku mategeko n’amahame agenga
amadini n’amatorero mu Rwanda. Kuri ubu urwego rwubuvugizi nirwo rukorana
nabatangije mission mubufatanye muburyo bw’umwuka n’iterambere inzego zirahari zirubatse.
4. Misiyoneri ntaho ahezwa mu nzego zose z’Itorero ariko
kandi nta cyemezo afata, nta gihano atanga, nkeretse inama n’amabwiriza aho
asanga ari ngombwa. Abashinze mission bafite uruhari munama Rusange bashobora
gutora ariko ntibatorwa.
5. Ahabwa icyubahiro
cyagenewe ba Reverend/Umushumba, nubwo yacyuye igihe, yasimburwa nuzakomeza
agakomeza akora imirimo yose ya gishumba ; akorana hafi na Biro Nyobozi,
atanga raporo ku muvugizi no ku itorero ryamutumye. Izo nzego ni zo zimuha
imirimo ashinzwe n’abo bazayikorana, n’ibyo azakoresha ; nta manda ahabwa
na CEPAC yo mu Rwanda, ahubwo ayihabwa n’Itorero ryamutumye, ashobora no
guhindurirwa imirimo, no gutumwa ahandi byemejwe n’inzego zimukuriye, cyangwa
mu gihe yasezera ku bwende bwe.
Misiyoneri si we uhagarariye Itorero mu buryo bw’amategeko, no mu
gushyiraho abakozi, no kubakuraho ndetse no kubimura no kubahindurira imirimo
aho bakorera ; ibyo ni iby’Umuvugizi n’inama bakorana nazo.
6. Itorero rya Gihuha ni umujyanama
mukuru wa CEPAC-Rwanda, ni ryo mubyeyi, Umushumba
Mukuru waryo ni we uhitamo uba misiyoneri, ni we umutuma, ni we umuhindurira
imirimo, ni we ufatana icyemezo na CEPAC-Rwanda, ni we uvugana n’ubuyobozi
bukuru bwa CEPAC-Congo ku bijyanye n’imicungire ya Misiyoni yo mu Rwanda ;
afite n’inshingano zo guhesha umugisha, ndetse no gutanga inama ku buryo abakozi
barobanurwa, no gukosora ibitaragenze neza mu buryo bw’ibijyanye n’iby’umwuka. Si we ushyiraho cyangwa ngo akureho
abakozi ; si we ubaha imirimo
bakora, ahubwo atanga inama mu buryo bwo hejuru, afatanya n’umuvugizi
imirongo y’imikoranire y’ibihugu, n’amatorero bayoboye.
7. Ahuza
CEPAC-Rwanda na CEPAC-Congo, ndetse akorana n’umuvugizi wa CEPAC Congo mu
kuvuganira CEPAC Rwanda mu ba misiyoneri bo muri Suede cyangwa abandi ba
Misiyoneri ba CEPAC-Congo bakorera mu gihugu cya Congo, no kureba ubufatanye
hagati y’amatorero ya Pentekote ya Suède hamwe n’ayo mu Rwanda, akanahuza andi
matorero ya CEPAC muri Congo na CEPAC Rwanda.
UMUTWE WA GATANU
V.
GAHUNDA
Y’ITORERO RYA CEPAC-RWANDA:
Ingingo ya 44:
UMUBATIZO
Abemererwa
kubatizwa ni:
1.
Abarangije kwiga inyigisho zibagenewe z’umubatizo;
2.
Ntabwo itorero ribatiza
abana bato;
3.
Itorero ribatiza mu mazi menshi
kandi mu kimenyetso cy’ubutatu: Data wa twese, n’Umwana n’Umwuka wera;
4.
Habatizwa uwihannye ibyaha bye, akizera Yesu Kristo nk’Umukiza n’Umwami
we, abisaba kandi amaze gusobanukirwa impamvu yo kubatizwa.
5.
Itorero ntabwo ryongera kubatiza uwabatijwe mu mazi menshi uvuye
mu yandi matorero, nkeretse uwavuye mu gatulika , mu itorero
ry’abadivantiste b’umunsi wa karindwi n’abandi babatiza mu mazi menshi ariko
bakabatiza mu izina rya Yesu gusa, n’undi uba yarabatijwe n’umuntu utabyemerewe
cyangwa se uwo ariwe wese wabatijwe n’amatorero atabatiza mu mazi menshi. Ari
uwabatijwe muri CEPAC-RWANDA cyangwa
uwakiriwe yarabatirijwe ahandi, akakirwa muri CEPAC, bose bahabwa ikarita
y’Umukristo. (Carte de Membre).
UMUTWE WA
GATANDATU
VI.
IMINSI MIKURU YEMEWE N’ITORERO
CEPAC-RWANDA.
Ingingo ya 45:
Iminsi mikuru
itorero ryemera ni :
1. Noheli
(Kwibuka ivuka rya Yesu Kristo);
2. Pasika
(Kwibuka urupfu no kuzuka bya Yesu Kristo);
3. Pentekote
(Gusukwa kw’Umwuka Wera ku bizera Yesu Kristo bose).
Kuri iyo
minsi haba amateraniro yo gusenga.
Itorero CEPAC nta minsi mikuru yaryo
ishobora kubangamira imirimo y’Igihugu ; kandi CEPAC yemera kubahiriza
iminsi mikuru yose y’igihugu.
UMUTWE WA KARINDWI
VII.IMYIFATIRE Y’ABANYETORERO RYA
CEPAC-RWANDA (Discipline de l’Eglise)
Ingingo ya 46:
Imibanire
y’abashakanye
Abakristo
bashyingirirwa mu Itorero babanje gusezeranira imbere y’ubutegetsi bwa Leta.
Abashyingirwa
babanza gukurikira inyigisho z’Itorero zigenewe abitegura gushyingirwa,
zibategurira kubana nk’abashakanye
gikirisito Itorero ntirishyingira
abapagani niyo baba barashakanye mu buryo bwemewe n’amategeko ya Leta. Abashaka
gushyingiranwa babanza kwakira agakiza bakanabatizwa mu mazi menshi.
Ntirishyingira abatanye barigeze gushakana cyangwa gushyingirwa bijyanye
n’amategeko. Ntirisezeranya ababanje kwishyingira; ribagira inama yo gusaba
imbabazi mu Itorero no kubanza kujya mu buyobozi bw’inzego z’ibanze rikabona
kubasengera bakabana nk’umugabo n’umugore byemewe n’Itorero. Ntiryemera ubutane
bw’abashakanye imbere y’amategeko. Itorero
ribanza gusuzuma ko abashaka gushyingirwa bafite ibyemezo ko bipimishije
ubwandu bw’agakoko gatera SIDA. Abitegura gushyingirwa babanza kwerekana
icyemezo ko badatwite, bigakorwa mu
byumweru bibiri mbere yo gushyingirwa. Nyuma y’umuhango
wera wo gushyingirwa kwera, abashyingiranywe bahabwa icyemezo cy’Abahanye
amasezerano mu itorero. (Cértificat de
Mariage).
ICYEMEZO CYO GUSHYINGIRWA MU
ITORERO.
(CERTIFICAT DE MARIAGE DANS
L’EGLISE).
Jyewe Pasteur …………………………………Umushumba w’itorero rya CEPAC-RWANDA. Paruwase
ya…………………………….yo mu Rurembo rw’……………………………………
Ndemeza ko uyu ………………………………………..Mwene………………………………….
Na……………………………………………wavukiye i………………………...kuwa………….
Umudugudu w’…………………………..Umurenge w’
/Paruwase…………………………….
Akarere ka./
Itorero ry’Akarere rya………………………………………………………………..
Intara
y’ / Ururembo rw’…………………………………… ko
ashyingiranywe na
…………………………………………….Mwene………………………………Na……………..
……………………………………
Wavukiye i ………………….. Kuwa ………………………
Umudugudu
w’…………………………..Umurenge w’ / Paruwase…………………………
Akarere ka./
Itorero ry’Akarere rya………………………………………………………………..
Intara
y’ / Ururembo rw’……………………………………………Bakaba
bashyingiranywe
Muburyo
bukurikije Amategeko y’Itorero CEPAC-RWANDA.
Bikorewe i…………………………… .Kuwa…………………………………………………
Umukono
w’Umushumba w’Itorero ry’ …………………………………………………………..
Umukono
n’Amazina yombi by’umugeni ……………………………………………………….
Umukono
n’Amazina yombi by’Umukwe……………………………………………………….
AMASEZERANO Y’UMUKWE
N’UMUGENI.
UMUKWE
Jyewe
…………………………………Nsezeraniye imbere y’Imana ishobora
Byose,
imbere y’Itorero ryayo n’imbere y’imiryango yacu, ko nemeye ku
Kujyana
wowe………………………………….kubwende bwanjye nta
Gahato,
ngo umbere Umugore nshyingiwe n’Itorero. Ngusezeranije ko,
Nzakubera
Umugabo w’indahemuka. Nzakomeza kugukunda,
Nzagukuyakuya
haba mubihe byiza ndetse no mubigoye, dukize
Cyangwa
dukennye,tubyaye cyangwa tutabyaye, nzakomeza kuba
umwizerwa
nkurikije itegeko ry’Imana kugeza ku rupfu sinzatezuka kuri
iyi
ndahiro. Ndagusezeranya ko ntazigera nifuza abandi bagore ukiriho
Mbigusezeranije
ntyo, kuko nshobozwa byose na Kristo umpa Imbaraga.
UMUGENI
Jyewe
…………………………………Nsezeraniye imbere y’Imana ishobora
Byose,
imbere y’Itorero ryayo n’imbere y’imiryango yacu, ko nemeye
Kujyana nawe wowe………………………………….ngo umbere umugabo
Nshyingiwe
n’Itorero. Ibyo bibaye kubwende bwanjye nta
Gahato.
Ngusezeranije ko,
Nzakubera
Umugore w’indahemuka. Nzakomeza kukubaha,
Nzakugandukira
nkuko Sara yagandukiraga Aburahamu. Haba mubihe
byiza
ndetse no mubigoye, dukize
Cyangwa
dukennye,tubyaye cyangwa tutabyaye, nzakomeza kukubera
Umugore
w’Umwiringirwa nkurikije itegeko ry’Imana kugeza ku rupfu
sinzatezuka
kuri iyi ndahiro. Ndagusezeranya ko ntazigera nifuza abandi
bagabo
ukiriho. Mbigusezeranije ntyo, kuko
nshobozwa byose na Kristo umpa imbaraga.
KWAMBIKANA IMPETA.
UMUKWE.
Jyewe……………………………………kuva
nkikwambika iyi mpeta
wowe………………………………Ubaye
Umugore wanjye nshyingiwe n’Itorero kandi jyewe
ubwanjye
n’ibyo ntunze byose n’ibindi Imana izampa, n’ibyawe kuko Jyewe nawe tubaye
umwe.
UMUGENI.
Jyewe
………………………………….., kuva nkikwambika iyi
mpeta,wowe………………………
Ubaye
Umugabo wanjye nshyingiwe n’Itorero kandi jyewe ubwanjye n’ibyo mfite byose
n’ibindi
Imana izampa, n’ibyawe nanjye kuko Jyewe nawe tubaye umwe.
Ingingo ya 47:
Itorero
ntabwo rishyigikira ubutane ku bashakanye imbere y’amategeko ya Leta. Abadashobora
kubana ku mpamvu zikomeye ikibazo cyabo cyigwa n’inama zibifitiye ububasha
zikagifatira umwanzuro.
Itorero
ntiryemera ubuharike uko bwakorwa kose.
Ingingo ya 48:
Umukristu
wese asabwa gukurikiza imyifatire ya gikristo, uwo ariwe wese ubonetsweho
impamvu inenga imyifatire ye ya gikristo, aragendererwa kabiri cyangwa gatatu nyuma inama igaterana,
ikamufatira ibyemezo igihe cyose atemera
gukosorwa ngo ave mu byo anengwa, itorero riramuca , agahabwa akato ku mirimo
yose y’itorero, ariko rikomeza kumusengera, rikanamugenzura; rimugira inama yo
kwihana.
Ingingo ya 49:
Umunyetorero
rya CEPAC-Rwanda agomba kwitwararika ku ndangagaciro z’ubukristo nyakuri
zijyanye n’indangagaciro nyakuri z’umunyarwanda.
Ingingo ya 50 :
Abo igitsina
gore ntibemererwa kwambara amapantalo mu materaniro ; bashobora
kuyambara iyo babisabwa ku mpamvu z’akazi cyangwa ishuli.
Ingingo ya 51 :
Abakristo
ntibemererwa kwisiga amavuta n’amarangi bihindura uruhu cyangwa ibara
ry’umubiri, ntakwambara imiringa cyangwa izahabu, nta kunywa itabi, nta kunywa
inzoga, nta kuboha imisatsi cyangwa kuyinyereza hakoreshejwe uburyo ubwo
aribwo bwose; bashishikarizwa kugira isuku ku mibiri yabo no ku myambaro yabo.
Abakristo bambara bikwije birinda imyambarire iteye isoni cyangwa itesha
agaciro umuco mwiza ku bagabo kimwe no ku bagore.
UMUTWE WA MUNANI
VIII.
IMYEMERERE YA CEPAC-RWANDA
Ingingo ya 52:
Itorero ryemera
imihango(ibimenyetso),ibiri ari yo“kubatizwa no gusangira Ifunguro Ryera”:
1. Ifunguro ryera.
Uwahawe
recommandation n’itorero ry’inshuti dusanzwe dufatanya, ababatijwe mu mazi
menshi bose bemererwa gusangira ifunguro ryera n’abanyetorero ba CEPAC-RWANDA.
2. Umubatizo :
Ababatijwe bose n’abakiriwe mu
itorero nibo banyamuryango-shingiro,bafatira hamwe ifunguro ryera, bakanywera
kubikombe byagenewe gukora uwo murimo nubwo byaba ari ibikombe byinshi cyangwa
se kimwe rukumbi. Ibyo ntacyo bitwaye, icy’ingenzi nuko Ifunguro ryera ritangwa
n’uwabiherewe ububasha n’itorero buri mukirisito agaherezwa umutsima
wamanyaguwe, na divayi y’umutobe. Ifunguro ryera rifatwa iteraniro risenga,
cyangwa se ririmba abakozi babiherewe
ububasha bamanyura umutsima, bamaze kuwusengera ndetse n’igikombe, maze
bakagaburira abakristo, barangije gusangira ubwabo, barangije guhereza abakristo, abadiyakoni
barongera bagasubiza mu bubiko ibyasagutse.Ntabwo ibyasagutse bihabwa
abatarabatizwa. Ifunguro Ryera barifata mu mutuzo kandi bari mu mwuka
w’amasengesho.
Ingingo ya 53:
Igihe
uwabatijwe abonetsweho n’umugayo, arahagarikwa kugira ngo yikosore. Igihe cyose ari mu gihano
ntiyemerewe gusenga mu ruhame, gusangira Ifunguro Ryera cyangwa gufata ijambo
mw’iteraniro.
Ingingo ya 54:
Itorero
ryemera impano zose z’Umwuka Wera. Iyo impano y’Umwuka Wera igaragaye
k’umukristo, imenyeshwa ubuyobozi bwe igasuzumwa, igashyigikirwa ngo ifashe
benshi, ikanakurikiranwa n’Itorero kuko byagaragaye ko umuntu ashobora
gukoreshwa n’Imana, nyuma Satani akamufatira muri iyo mpano ye, akayoba ariko
agasigara ayikoresha mu buryo bwe cyangwa ku nyungu ze bwite.
UMUTWE WA CYENDA
IX.
ITORERO N’INDI MIRYANGO
Ingingo ya 55:
Umuvugizi wa
CEPAC Rwanda “Représentant Légal” ni we muvugizi w’Itorero, arihagararira muri
Leta n’indi miryango abifashijwemo n’umwungirije, umusigire we.
Ingingo ya 56:
Itorero
riharanira ubumwe bw’abantu bose n’uburinganire mu mirimo yose hakurikijwe
amategeko y’Itorero.
Ingingo ya 57:
Nta baruwa
n’imwe, icyemezo na kimwe cy’Itorero gitangwa, gishobora kugira agaciro
kitariho umukono w’Umuvugizi Mukuru
w’Itorero, cyangwa uwo yabihereye uburenganzira.
X.
UMUSOZO
Ingingo ya 58:
Inama Nkuru
niyo yemeza igishobora guhinduka mu itegeko-shingiro cyangwa se mu mategeko
ngenga-mikorere maze ikabishyikiriza amaparuwase, indembo n’izindi nzego.
Ingingo ya 59:
Aya mategeko azagenderwaho n’inzego zose za
CEPAC-Rwanda. Aya mategeko ashobora buri gihe kunonosorwa, kongerwamo cyangwa
gukurwamo ibitajyanye na yo cyangwa ibitajyanye
n’igihe.
Ingingo ya 60:
Aya mategeko atangiye gukurikizwa akimara
kwemezwa no gushyirwaho imikono y’abagize Inteko Rusange y’Itorero CEPAC-Rwanda
yabereye
i Nyanza kuwa 19-20 Gicurasi 2018.
Bikorewe i Nyanza, kuwa 19-20 Gicurasi 2018.
Umuvugizi Mukuru: Rév. Pasteur
MUKIZA G. Jonathan.
Umuvugizi Wungirije : Rév. Pasteur MUNYESHYAKA Samuel.
